何辉经典语录

时间：2023-01-17 21:27:57 其他经典语录我要投稿

何辉经典语录22则

　　1、车路士对纽卡素：何辉：迪西李好似鬼咁，一有对车路士不利慨吹罚就冤鬼住个球证。

何辉经典语录22则

　　2、法国对俄罗斯：丁伟杰：不过呢个波呢，入到就系英雄，入唔到呢就系狗熊。何辉：或者系猪红。

　　3、纽卡素对车路士：纽卡素门将阿基云双手迎接对方球员冼顿嘅射门时甩手，皮球从基云嘅大细门下流过——俗称“疴蛋”！何辉：一疴，黄金之蛋！

　　4、拜仁慕尼黑对AC米兰：何辉：裁判同罗拔高华做咗一个好正确慨动作。“喂，你要个波先得嘎！你咁样更硬更开个人，更开咗雷哥斯达唔得个喎！”江忠德：你讲咗成10秒咁滞啰喎，人哋好似冇讲咁长个喎！

　　5、列斯联对查尔顿：何辉：马田一禄，查尔顿就金银满屋！（咔咔咔）

　　6、车路士对曼联：裁判判俾曼联界外球，苏拿有啲意见。何辉现场配音：苏拿喺度口噏噏咁话‘我？我？我？真系我？！冇掂过喔！’

　　7、车路士对曼联：丁伟杰：曼联赢波，车路士有个球员就觉得好无瘾，但费Sir就觉得好过瘾。讲紧慨就系保斯尼治。

　　8、江忠德：咦，碧咸顶白色帽又几靓噃！何辉：可能衬番对白Boot呢！？江忠德：好彩佢对Boot唔系绿色啫！何辉：咁都俾你谂倒啊！

　　9、罗马对皇家马德里：卡福俾皇家马德里几名球员耍得团团转。何辉：卡福话，喂！好啰喎！~~唔好玩得咁过份喎！假假地我都啱啱捧完世界杯呀！

　　10、江忠德：哗！如来神掌呀！何辉：如来神掌第几式呀？江忠德：双龙双掌啩！何辉：如来神掌有双龙双掌嘎咩？

　　11、利华古逊对曼聨：江忠德：映梗月亮喎！何辉：中秋过咗啰喎~~江忠德：有啲黄黄地咁慨！（指月亮）何辉：你话梗佢块面啊？（指托比慕拿）江忠德：唔系！系黑黑哋！

　　12、曼聨对修咸顿：丁伟杰：自己嘅人踩番落自己整嘅陷阱度。何辉：讲咗好多次，奥脱福呢个球场慨场边都有条夯。不过曼聨啲球员都已经习惯晒嘎啦。底线都仲好吖，起码有啲广告牌挡住下，球员好似玩SIR滑梯咁。旁边两边有条石屎夯渠，线落去都几伤嘎！丁伟杰：真系好似“飞哥跌落夯渠”喇！

　　13、纽卡素对西布朗：黄兴桂：10个黄绿衫慨球员番晒去后场。江忠德：今场唔系黄绿医生喇，系黄绿球员！

　　14、阿仙奴对飞燕诺：何辉：讲起飞机恐惧症，我拍档丁伟杰隔离嗰个我都有呢个问题！丁伟杰：但系番香港都要搭飞机个噃，搭船要好耐！何辉：要成五日呀，我问过啦！丁伟杰：如果冇咗拍挡档五日都唔知点算啰！（各位friend听唔听得出啲弦外之音啊？）

　　15、李斯特城对曼联慨比赛：江忠德：睇完呢场波之后9点55分又有一场直播，大家可以抖下，饮澹茶先。9点55分再嚟睇。何辉：夜饮茶会瞓唔着个喎。江忠德：就系想瞓唔着，今晚大把波睇，唔驶瞓喇！（何辉好无奈，俾江忠德吹len涨。）

　　16、曼联对农特：当巴夫斯跑到禁区外与对方球员争顶完波后，却发现皮球唔见咗……江忠德：巴夫斯又喺度搵波喇。何辉：望下上面高处又冇，又唔喺自己左右，原来喺后面。何辉：如果攞个波Dup落巴夫斯个头度，唔知佢搵唔搵到呢？江忠德：试下啰。何辉：我谂一定搵唔到啫。

　　17、布力般流浪对保顿：何辉：下半场就背城借一，但而家就首先贝治（布力般后卫）送一先喔。（啲文采好到佢吖）

　　18、辛德兰对曼聨：麦卡迪亚侵犯坚尼，因而惹起二人纠纷……麦卡迪亚向坚尼做出一个写字慨手势，讽刺坚尼慨自传内慨内容。丁伟杰：麦卡迪亚话“写我啦！写我啦！写书写我啦！”

　　19、江忠德望一望何辉对鞋，然后对何辉讲：“你对鞋都几靓喎！又黄又绿，好彩你唔系做医生啫。”何辉：即系咩吖？我唔系好明喎？！江忠德：又黄又绿喎！何辉听完仲系一头冒水。（何辉诈藕？！）

　　20、碧咸第一次着上印有佢仔仔个名慨Boot比赛，当俾对方球员踩甩一只鞋时……何辉：如果对鞋改印上佢老婆个名，会唔会紧啲呢？系绑得紧啲呀。（-！-）

　　21、米度士堡对利物浦：何辉：恩斯再攞多两张黄牌慨话就要停赛喇。不过恩斯停赛都唔休冇嘢做，得闲可以去扮下TigerWoods呀！

　　22、何辉：大家睇返呢个波啦，系朗尼庄臣上嚟梳靓个头入波嘎。（慢镜重播后……）何辉：睇清楚原来系朗尼庄臣上前嚟梳靓个头睇住对方后卫摆乌龙慨！

【何辉经典语录】相关文章：